• Today is: Wednesday, September 22, 2021

NUG ရက်အကန့်အသတ်မရှိ အလုပ်ပိတ်ရက် အဖြစ် သတ်မှတ်ကြောင်း ကြေညာ

Federal Journal
September07/ 2021
“NUG” “ရက်အကန့်အသတ်မရှိ အလုပ်ပိတ်ရက် အဖြစ် သတ်မှတ်ကြောင်း ကြေညာ”
ဖက်ဒရယ် ဂျာနယ်
စက်တင်ဘာ ၇ ရက်၊ ၂၀၂၁
နိုင်ငံတော်တစ်ဝန်းလုံးအား အမျိုးသားညီညွတ်ရေး အစိုးရ (NUG) က အရေးပေါ်အခြေအနေ အဖြစ် သတ်မှတ်ကြောင်း အမိန့်ကြေညာ ချက် ထုတ်ပြန်ပြီး ဖြစ်သည်။
တဆက်တည်းတွင် အမိန့်ညွန့်ကြားချက် အမှတ် (၁/၂၀၂၁)ပါ ကြေညာချက်ဖြစ် စက်တင်ဘာလ ၇ ရက်နေ့မှ စ၍ ရက်အကန့်အသတ်မရှိ အလုပ်ပိတ် ရက် အဖြစ် သတ်မှတ်လိုက်ကြောင်း အမျိုးသားညီညွတ်ရေး အစိုးရ (NUG)က ကြေညာချက် ထပ်မှန်ထုတ်ပြန်လိုက်သည်ကို တွေ့ရသည်။
ကြေညာချက်တွင် အောက်ပါအတိုင်း ပါရှိသည်။
————————————————————————
အမျိုးသားညီညွတ်ရေးအစိုးရ
ပြည်ထောင်စုသမ္မတမြန်မာနိုင်ငံတော်
အမိန့်ညွှန်ကြားချက် အမှတ်(၁/၂၀၂၁)
၇ စက်တင်ဘာလ ၂၀၂၁
“ရက်အကန့်အသတ်မရှိ အလုပ်ပိတ်ရက်အဖြစ် သတ်မှတ်ကြောင်း အမိန့်ညွှန်ကြားချက်ထုတ်ပြန်ခြင်း”
၁။ပြည်ထောင်စုသမ္မတမြန်မာနိုင်ငံတော်တွင် ၂၀၂၁ခုနှစ် ဖေဖော်ဝါရီလ ၁ ရက်မှ စတင်၍ စစ်ကောင်စီသည် နိုင်ငံတော်၏ အချုပ်အခြာအာဏာကို လက်နက်အားကိုးဖြင့် အဓမ္မ လုယုသိမ်းပိုက်ထားရုံမက ပြည်သူများ၏ အသက်အိုးအိမ်စည်းစိမ်ကို ထိပါး အကြမ်းဖက် အန္တရာယ်ပြုလျက်ရှိခြင်း၊ ပြည်သူများကလည်း နည်းလမ်းစုံဖြင့် စစ်အာဏာရှင်အုပ်စိုးမှုအား ခုခံတွန်းလှန်လျက် ရှိခြင်း၊ ယခုအခါ တရားမဝင် စစ်အုပ်ချုပ်ရေး ယန္တရား တစ်ခုလုံးကို အပြီးတိုင် ဖျက်သိမ်းပစ်ရန် လိုအပ်လာခြင်း ဟူသော ဖြစ်ပေါ် ပြောင်းလဲလျက်ရှိသည့် အခြေအနေ အရပ်ရပ်ကြောင့် အမျိုးသားညီညွတ်ရေးအစိုးရသည်ယနေ့ ၂၀၂၁ခုနှစ် စက်တင်ဘာလ ၇ ရက်မှ စတင်၍ နိုင်ငံတော်အား အရေးပေါ်အခြေအနေ အဖြစ် သတ်မှတ်ကြောင်း အမိန့်ကြေညာချက် ထုတ်ပြန်ပြီး ဖြစ်သည်။
၂။ အရေးပေါ်အခြေအနေတွင် စစ်ကောင်စီ၏ လက်အောက်ခံ ဖြစ်လျက်ရှိသော အရပ်ဘက် ရုံးဌာနအားလုံးကို ယနေ့မှ စတင်၍
ရက်အကန့်အသတ်မရှိ အလုပ်ပိတ်ရက်အဖြစ် သတ်မှတ်ကြောင်းနှင့် အလုပ်ဆင်းရန် မလိုအပ်ကြောင်း ညွှန်ကြားလိုက်သည်။
မန်းဝင်းခိုင်သန်း
ပြည်ထောင်စုဝန်ကြီးချုပ်
အမျိုးသားညီညွတ်ရေးအစိုးရ
ပြည်ထောင်စုသမ္မတမြန်မာနိုင်ငံတော်။