ဖက်ဒရယ်နှလုံးသား
အမှန်တရားအတွက်
အားလုံးအတူ လက်ချင်းချိတ်ပြီး
ညှိကူကြမယ်။
အသွင်မတူလည်း
ညီညွတ်မှုကို လျောက်ကြတဲ့အခါ
ညှိယူလို့ရတယ်…။
အယူအဆ မတူလည်း
ဓမ္မလမ်းစဥ်ကို လျောက်ကြတဲ့အခါ
ညှိယူလို့ရတယ်… ။
ဘာသာမတူလည်း
ခရီးတစ်ခုကို အတူလျောက်ကြတဲ့အခါ
ညှိယူလို့ရတယ်… ။
စရိုက်မတူလည်း
စည်းလုံးမှုကို အတူလျောက်ကြတဲ့အခါ
ညှိယူလို့ရတယ်… ။
သွေးသားဆန္ဒအရ
လူသားတိုင်းရဲ့ နှလုံးသားမှာ
လွတ်လပ်မှုကို မြတ်နိုးကြတယ်။
အသားရောင်မတူ
ဘာသာ မတူ
အယူအဆ မတူကြလည်း
လွတ်လပ်ခွင့်ကို ချုပ်ချယ်ထားတဲ့အခါ
အမှန်တရားကို ချစ်မြတ်နိုးသူတိုင်း
ညှိယူလို့ရတယ်… ။
– ဇွဲထက်ရှင်