• Today is: Saturday, July 11, 2020

ပင်လုံစာချုပ် ၁၉၄၇ ဖွဲ့စည်းပုံအခြေခံဥပဒေနှင့် ခွဲထွက်နိုင်သောအခွင့်အရေး

Federal Journal
August30/ 2016

အပိုင်း – ၁

            ပင်လုံစာချုပ်သည် စာချုပ်တစ်ခုလည်းဖြစ်သည်။ သဘောတူညီမှုတစ်ခုလည်းဖြစ်သည်။ ကတိကဝတ်တစ်ခုလည်းဖြစ်ပါသည်။ ပင်လုံစာချုပ်နှင့် ပတ်သက်၍ ပြောဆိုကြလျင် ပြည်နယ်များ၏ ခွဲထွက်ခွင့်ကို ပြောဆိုကြသည်။သို့သော်ပင်လုံစာ ချုပ်တွင်ခွဲထွက်ခွင့်ကိုဖေါ်ပြေ ရးသားထားခြင်းမရှိပေ။
.

ပင်လုံ၏အရေးပါပုံ

.

               မြန်မာပြည်သမိုင်းတွင်တိုင်းရင်းသားအရေးနှင့်ပတ်သက်၍ပင်လုံသည် အရေးပါသည်။ပြည်မနှင့်တောင်တန်းေ ဒသများအတူတကွပေါင်းစည်း၍လွတ်လပ်ေ ရးယူခြင်းသည်ပင်လုံသဘော တူညီချက်ကြောင့်ဖြစ် သည်။ ပင်လုံသဘောတူညီချက်သာ မရရှိပါက ယနေ့မြန်မာပြည် ပြည်ထောင် စုဟုခေါ်သော နယ်မြေအားလုံး တစ်စုတစ်စည်းတည်း လွတ်လပ်ရေးယူရန်ခက်ခဲပေလိမ့်မည်။
.
 ထိုကြောင့်လည်း ၁၉၄၇ ခုနှစ်တွင် ပြည်မနှင့် ချင်းတောင်တန်း ကချင်တောင်တန်းရှမ်းပြည်နယ်မှ ခေါင်းဆောင်များတက်ရောက်ကြသော ပင်လုံအစည်းအဝေး၌ကြားဖြတ်မြန်မာ အစိုးရနှင့်ချက်ချင်းပူး ပေါင်းလိုက်ခြင်းဖြင့်ရှမ်းကချ င်ချင်းတို့သည်ပြည်မနှင့်အတူလွ တ်လပ်ရေးကိုလျင်မြန်စွာရရှိလိမ့် မည်ဟုယူဆကာပင်လုံစာချုပ်ကို   တစ်ညီတစ်ညွတ်ထဲ သဘောတူ ခဲ့ကြသည်ဟုဆိုရပါမည်။
.
         ထိုစဉ် အင်္ဂလိပ်တို့၏ အုပ်ချုပ်မှုစနစ်အရ ပြည်မ ချင်း/ကချင်/ရှမ်းပြည်နယ်တို့ပါေ သာ တောင်တန်းဒေသနှင့်ကရင်နီပြည်နယ် တို့အဖြစ်ခွဲခြားထားလေရာတစ်စု တစ်စည်းလွတ်လပ်ရေး ရယူရေးနိုင်ရေးအတွက် လိုအပ်ချက်ဖြစ်လာခြင်း ဖြစ်သည်။ ထိုစဉ် ရခိုင် မွန် ကရင်တို့မှာ ဗြိတိသျှတို့၏ ပြည်မအုပ် ချုပ်ရေးတွင်ပါဝင်လေရာ ပင်လုံတွင်သီးခြားမပါဝင်ခဲ့ကြပေ။
.
           ထိုပင်လုံစာချုပ်သည် မြန်မာပြည်တစ်ပေါင်းတစ်စည်းထဲ လွတ်လပ်ရေးရယူပေးရာတွင် အရေးပါခဲ့သကဲ့သို့ ယခုကာလတွင်လည်း ပင်လုံ ကတိကဝတ်များနှင့် ပတ်သက်၍ မည်သူက လိုက်နာ၍ မည်သူက ဖေါက်ဖျက်ခဲ့သည်ဆိုခြင်းနှင့် ပတ်သက်၍ များစွာအငြင်းပွါးနေဆဲဖြစ်သည်။
.

အတိုင်ပင်ခံဝန်ကြီးနှင့် အုပ်ချုပ်ခွင့်အာဏာ

.

              ပင်လုံစာချုပ်အရတောင်တန်းဒေသများနှင့်ပတ်သက်၍ဆောင်ရွက်ရန်တောင်ေ ပ်ါသားများညီညွတ်ရေးဦးစီးအဖွဲ့ မှ ကိုယ်စားလှယ်များက ရွေးချယ်သည့်ကိုယ်စားလှယ်တစ်ဦး ကို ဘုရင်ခံ၏အမှု ဆောင်ကောင်စီတွင် အတိုင်ပင်ခံအဖြစ်ခန့်အပ်ရမည်။၎င်း ပုဂ္ဂိုလ်ကို ဌာနလက်ကိုင်မရှိ ဝန်ကြီး
အဖြစ်ခန့်အပ်ရမည်။ ကာကွယ်ရေးနှင့် နိုင်ငံခြားရေးဌာန နည်းတူ တောင်တန်းဒေသရေးရာဌာနကို ဥပဒေဖြင့်ပြဌာန်း၍အမှုဆောင်ကော င်စီအောက်တွင်ထားရှိရမည်။အဆိုပါေ တာင်တန်းဒေသဆိုင်ရာအတိုင်ပင်ခံ ဝန်ကြီးအား အုပ်ချုပ်ရေးအာဏာများ လွှဲအပ်ရမည်။
.
              ထို့ပြင် ထိုအတိုင်ပင်ခံဝန်ကြီးအားကူညီ ရန် ယင်းနှင့်လူမျိုးတူ မဟုတ်သည့် အခြား တောင်တန်းသားများအား ကိုယ်စားပြုသည့် တွဲဖက်အတိုင်ပင်ခံ၂ဦး ရှိရမည်ဟုဆိုသည်။ ထိုအတိုင်ပင်ခံပုဂ္ဂိုလ် ၂ ဦးသည် ပထမဦးစွာ မိမိနယ်ပယ်ရေးရာများကို ဆောင်ရွက်ရမည်။အတိုင်ပင်ခံ ဝန်ကြီးက ကျန်ရှိသည့် အခြားတောင်တန်းဒေသရေးရာများကို စီမံရမည်ဟုဆိုသည်။ ယင်းပုဂ္ဂိုလ် ၃ဦးသည်အခြေခံဥပဒေကပြဌာန်းထား သည့်အတိုင်းစုပေါင်းတာဝန်ယူလုပ် ကိုင်ရမည်ဟုဆိုသည်။ ရှမ်း ကချင် ချင်း ကိုယ်စားလည် ၃ ဦးစလုံးပါဝင်နိုင်စေရန် ရည်ရွယ်ခဲ့သည်ကို တွေ့ရသည်။
.
         အတိုင်ပင်ခံဝန်ကြီးသည် အမှုဆောင်ကောင်စီအဖွဲ့ဝင်အနေနှင့် တောင်တန်းဒေသများ၏ တစ်ဦးတည်းသောကိုယ်စားလည်ဖြစ်ေ သ်ာလည်း တောင်တန်းကိစ္စများ ဆွေးနွေးသောအခါ တွဲဖက် အတိုင်ပင်ခံ ပုဂ္ဂိုလ် ၂ဦးသည်ကောင်စီအစည်းအဝေးသို့တက်ေ ရာက်ခွင့်ရှိရမည်ဟုဆိုပါသည်။
.
        အထက်ပါသဘောတူချက်အရ ဘုရင်ခံ၏အမှုဆောင်ကောင်စီကို တိုးချဲ့မည်ဖြစ်သော်လည်း တောင်တန်းဒေသများ၏နယ်အတွင်း အုပ်ချုပ်ရေးတွင်ယခုရရှိခံစားလျ က်ရှိသော ကိုယ်ပိုင်အုပ်ချုပ် ရေးဆုံးပါးရန် မည်သည့်ဒေသတွင်မဆို လုံးဝပြု မူလိမ့်မည်မဟုတ်ဟုဆိုသည်။တောင် တန်းဒေသများ အတွက် နယ်တွင်းအုပ်ချုပ်ရေးတွင် ကိုယ်ပိုင်ပြဌာန်းခွင့်ရှိကြော င်း မူအရ လက်ခံသည်ဟုဆိုသည်။
.
             ထို့ပြင် မြန်မာပြည်ထောင်စုအတွင်း ကချင်ပြည်နယ်အတွက် နယ်ခြားသတ်မှတ်ရေးနှင့် ကချင်ပြည်နယ် တည်ထောင်ရေးကို တိုင်းပြုပြည်ပြုလွှတ်တော်သို့ တင်ပြဆုံးဖြတ်စေရမည် ဖြစ်သော်လည်း ထိုကဲ့သို့သော ပြည်နယ်မှာ လိုအပ်သည်ဟု သဘောတူလက်ခံကြသည်။
.
               ချုပ်၍ ဆိုရလျင် ပင်လုံစာချုပ်တွင် လက်တွေ့ကျကျ အသားပေး၍သဘောတူခဲ့သည်မှာ ဗြိတိသျှအစိုးရမှ သီးခြားအုပ်ချုပ်ထားသော ချင်းတောင်တန်း ကချင်တောင်တန်း ရှမ်းပြည်နယ် ၃ ခုအား ဘုရင်ခံအတိုင်ပင်ခံကောင်စီမြန် မာပြည်အစိုးရနှင့်ပူးပေါင်းလို က်ခြင်းအားအလေးထားခဲ့သည်ဟု ဆိုရပါမည်။ အဆိုပါတောင်တန်းဒေသ၃ခုအားပြည်မနှ င့်အုပ်ချုပ်ရေးပေါင်းရာတွင်တော င်တန်းသားများ ညီညွတ်ရေးဦးစီးအဖွဲ့မှ ရွေးချယ်သော ကိုယ်စားလည် ၁ ဦးအား ဘုရင်ခံအတိုင်ပင်ခံကောင်စီ အဖွဲ့ဝင်နှင့် အတိုင်ပင်ခံဝန်ကြီးခန့်အပ်ခြင်း လူမျိုးမတူသူ ၂ ဦးအားထပ်မံ၍ တွဲဖက်အတိုင်ပင်ခံ
ပုဂ္ဂိုလ်များအဖြစ်ခန့်အပ်ပြီး တောင်တန်းဒေသ ၃ ခုအား သူ့လူမျိုးကိုယ်စားလှယ် အုပ်ချုပ်ခြင်းတို့အား သဘောတူဆုံးဖြတ်ခဲ့ကြသည်။
.
           ထို့ကြောင့် ပင်လုံစာချုပ်သည် ပြည်မနှင့်တောင်တန်းဒေသများအား အုပ်ချုပ်ရေးအရ ပူးပေါင်းလိုက်ပြီး ပြည်မနှင့်တောင်တန်းဒေသများပါ ပူးတွဲ၍ ပြည်ထောင်စုတစ်ရပ်အနေနှင့် အင်္ဂလိပ်အောက်မှ လွတ်လပ်ရေးအရယူရန်အလေးထားခဲ့သည် ဟုဆိုရမည်။ ပင်လုံစာချုပ်ပါ အချက် ၉ ချက်တွင် ၎င်းဦးတည်ချက်ကို အလေးထားခဲ့ပါသည်။
လက်မှတ်ထိုးခဲ့သူများ
.
                ပင်လုံစာချုပ်တွင် လက်မှတ်ထိုးခဲ့သူများမှာ
.
၁။ ဗိုလ်ချုပ်အောင်ဆန်း              မြန်မာအစိုးရကိုယ်စားလှယ်                                                 ၂။ စဝ်ခွန်ပန်းစိန်                         နမ့်ဆန်တောင်ပိုင်စော်ဘွား
၃။ စဝ်ရွှေသိုက်                            ညောင်ရွှေစော်ဘွား
၎။ စဝ်ဟုန်ဖ                                မြောက်ပိုင်း သိန္နီစော်ဘွား
၅။ စဝ်နွံ                                       လဲချားစော်ဘွား
၆။ စဝ်စံထွန်း                               မိုင်းပွန်စော်ဘွား
၇။ စဝ်ထွန်းအေး                          သာမိုင်ခမ်းစော်ဘွား
၈။ ခွန်ဖုန်း                                   လူထုကိုယ်စားလှယ် ( မြောက်ပိုင်းသိန္နီ)
၉။ ဦးတင်ဧ                                               ။                  ( တောင်ကြီး )
၁၀။ ဦးကြာပု                                             ။                  ( သီပေါ  )
၁၁။ စဝ်ယိပ်ဖ                                            ။                  ( သီပေါ )
၁၂။ ဦးခွန်ထီး                                            ။                   ( ပင်လုံ )
၁၃။ ဦးထွန်းမြင့်                                         ။                    ( မောက်မယ်)
၁၄။ ဦးခွန်စော                                          ။                    ( ပင်းတယ )
၁၅။ ဦးဖြူ                                   ဆီဆိုင်စော်ဘွားကိုယ်စားလှယ်
၁၆။ ဆမားဒူဝါဆင်ဝါးနောင်     ကချင်ကိုယ်စားလှယ် ( မြစ်ကြီးနား )
၁၇။ ဒူဝါဇော်ရစ်                                         ။                 (       ။           )
၁၈။ ဦးဒိန်ရတန်                                         ။                (        ။          )
၁၉။ ဒူဝါဇော်လွန်း                                      ။                  ( ဗန်းမော် )
၂၀။ လဘန်ဂရောင်                                    ။                  (       ။        )
၂၁။ ဦးလှူ  မှုန်                                     ချင်းကိုယ်စားလှယ်  ( ဖလမ်း )
၂၂။ ဦးသောင်ဇာခုတ်                                       ။                  ( တီးတိန် )
၂၃။ ဦးကီးယ်ိုမန်                                              ။                  ( ဟားခါး )
 တို့ဖြစ်ကြသည်။
.
 မြန်မာကိုယ်စား လှယ် ၁ ဦး ၊ ရှမ်းကိုယ်စားလှယ် ၁၄ ဦး၊  ကချင်ကိုယ်စားလှယ် ၅ ဦး၊  ချင်းကိုယ်စားလှယ် ၃ ဦး စုစုပေါင်း ၂၃ ဦး တက်ရောက်လက်မှတ်ရေးထိုးခဲ့ပါသည် ။
.
ပင်လုံစာချုပ်ပါပြည်နယ်အခွင့်အရေးများ
          လွတ်လပ်ရေးယူရန် မည်သို့ပင်အလေးထားသည်ဆိုသော်လည်းပင်လုံစာချုပ်တွင် တိုင်းရင်းသားများအရေး ပြည်နယ်များအရေးကို အောက်ပါအတိုင်းသတ်မှတ်ဖေါ်ပြထား သည်ကို တွေ့ရပါသည်။
         အပိုဒ် ၅တွင်”တောင်တန်းဒေသများ၏နယ်တွင်းအုပ်ချုပ်ရေးတွင်ယခုရရှိခံစား လျက်ရှိသော ကိုယ်ပိုင်အုပ်ချု ပ်ရေးဆုံးပါးရန် မည်သည့်ဒေသတွင်မဆို လုံးဝပြု မူလိမ့်မည်မဟုတ်။ တောင်တန်း ဒေသများ၏ နယ်တွင်းအုပ်ချုပ်ရေးတွင် ကိုယ်ပိုင်ပြဌာန်းခွင့်ရှိကြော င်း မူအရလက်ခံသည်။ ” ဟု ဖေါ်ပြရာ ပင်လုံစာချုပ်တွင် တိုင်းရင်းသားဒေသများ၏ ကိုယ်ပိုင်အုပ်ချုပ်ရေးနှင့် ကိုယ်ပိုင်ပြဌာန်းခွင့်ကို အသိမှတ်ပြု သဘောတူထားသည်ဟုဆိုရပါမည်။
.
         ပင်လုံစာချုပ် အပိုဒ် ၇ တွင်”တောင်တန်းဒေသရှိပြည်သူတို့ သည်ဒီမိုကရေစီတိုင်းပြည်များတွ င် အခြေခံအခွင့်အရေးနှင့် ရပိုင်ခွင့်များဟု သတ်မှတ်ထားသည့် အခွင့်အရေးနှင့် ရပိုင်ခွင့်များကို တောင်တန်းဒေသများ ရရှိခံစားစေရမည် ” ဟုပါရှိသည်။ တိုင်းရင်းသားပြည်သူများအတွက် အခြေခံရပိုင်ခွင့် အခွင့်အရေးကို သတ်မှတ်ခဲ့သည်ဟု ဆိုနိုင်ပါသည်။
.
        ပင်လုံစာချုပ်တွင်ခွဲထွ က်ခွင့်ကိုစကားလုံးအတိအကျဖြင့် မဖေါ်ပြခဲ့ပေ။သို့သော် “ကိုယ်ပို င်ပြဌာန်း ခွင့်”စကားရပ်ကိုမူအရလက်ခံသည်ဟုေ ဖ်ါပြထားရာအများစုနားလည်မှုအရကို ယ်ပိုင်ပြဌာန်းခွင့်ဆိုလျင်ခွဲ ထွက်ခွင့်ပါသည်ဟုမှတ်ယူထားကြေ ပသည်။သို့သော်ပင်လုံစာချုပ်တွင် ပြည်နယ်များခွဲထွက်ခွင့်အား တိကျစွာဖေါ်ပြမထားချေ။
ပင်လုံကတိကဝတ် ပင်လုံစာချုပ်ဟုဆိုလျင် ပြည်နယ်များခွဲထွက်ခွင့်ကိုပါ တပါတည်းတွဲမြင်ကြသည်။ သို့သော်ပင်လုံစာချုပ်တွင် ခွဲထွက်ခွင့်နှင့်ပတ်သက်၍ ရှင်းလင်းစွာဖေါ်ပြထားခြင်း လုံးဝ မရှိပေ။
.
              ပင်လုံစာချုပ်နှင့်ပတ်သက်၍ပြန်ြေ ပာင်းရေးသားကြသောစာအုပ်များမှတ် တမ်းများတွင် မတော့ ခွဲထွက်ခွင့်နှင့် ပတ်သက်၍ ရေးသားဖေါ်ပြထားသည်ကို တွေ့ရသည်။ အဓိကဖေါ်ပြချက်မှာ ပြည်နယ်များအနေနှင့်လွတ်လပ်ရေး ရအပြီး၁၀နှစ်ကျော်ပါက ခွဲထွက်လိုပါက ခွဲထွက်ခွင့်ရှိသည် ဟူသောအချက်ဖြစ်သည်။ဗိုလ်ချုပ်ေ အာင်ဆန်းပေးခဲ့သောကတိဟုဆိုကြသည် ။တဖန်အဆိုပါ ခွဲထွက်ခွင့်အား မလိုလားသောသူ၏ လက်အောက်တပ်မှူး များအားလည်း ဗိုလ်ချုပ်အောင်ဆန်းက ” ငါတို့တွေ ကောင်းကောင်းလုပ်ခဲ့ရင် တိုင်းရင်းသားတွေ ခွဲမထွက်ပါဘူးကွာ ” ဖြောင့်ဖျခဲ့သည်ဟု ဆိုကြသည်။
           အဆိုပါအချက်များအား ပင်လုံညီလာခံအတွင်းမှ ကတိကဝတ်များဟုဆိုနိုင်သည်။ သို့သော် ပင်လုံစာချုပ်တွင်တော့ ခွဲထွက်ခွင့်နှင့်ပတ်သက်၍ တိကျစွာ ဖေါ်ပြထားခြင်းမရှိပေ။ “ကိုယ်ပိုင်ပြဌာန်းခွင့်နှင့် ပတ်သက်၍ မူအရ သဘောတူသည် ” ဟူ၍သာ ဖေါ်ပြထားပေသည်။ ပင်လုံစာချုပ်တွင် မဖေါ်ပြထားသော ပင်လုံကတိကဝတ်များဟု ဆိုရမည်။
.
          သို့သော် ထိုပင်လုံညီလာခံတွင်ပြောဆိုခဲ့ ကြသော  ကတိကဝတ်များသဘောထားများကို လက်တွေ့ဖေါ်ပြသည်မှာ ၁၉၄၇ ခုနှစ် ဖွဲ့စည်းပုံအခြေခံဥပဒေဖြစ်သည်။ ၁၉၄၇ အခြေခံဥပဒေတွင် ပင်လုံကတိကဝတ်များကို ဥပဒေကြောင်းအရ အခိုင်အမာရေးဆွဲဖေါ်ပြခဲ့သည်ဟု ဆိုရပေမည်။ ၁၉၄၇ ဖွဲ့စည်းပုံ အခြေခံဥပဒေ အခန်း ၁၀  တွင် ” ခွဲထွက်နိုင်သောအခွင့်အရေး ” ဟုဖေါ်ပြခဲ့သည်။ ထို့ကြောင့် ပင်လုံစာချုပ်နှင့်၁၉၄၇ဖွဲ့စည်း ပုံအခြေခံဥပဒေသည် တတွဲတည်းတဆက်စပ်တည်း ဖြစ်ပေသည်။ ၁၉၄၇ အခြေခံဥပဒေသည်ပင်လုံကတိကဝတ်များေ ပ်ါတွင် အခြေပြု သည်ဟု ဆိုရပေမည်။
.
            သို့ဖြစ်ရာ ပင်လုံညီလာခံပြောလျင် ခွဲထွက်ခွင့်ပါရမည်ဟူသော ပြောဆိုချက်များသည် မလုံလောက်ချေ ။ ပင်လုံကတိကဝတ်များပေါ် အခြေခံသည့်၁၉၄၇ ဖွဲ့စည်းပုံအခြေခံဥပဒေတွင်မှ ခွဲထွက်နိုင်သော အခွင့်အရေးကို ဥပဒေအရ အတည်ပြုသတ်မှတ်သည်ဟုဆိုနိုင်သည်။ သို့မဟုတ်ပါက ခွဲထွက်နိုင်သောအခွင့်အရေးသည် ပင်လုံစာချုပ်တွင်မပါသော်လည်း ပင်လုံကတိကဝတ်တွင်ပါသည်ဟု ဆိုနိုင်ပါသည်။
.

အပိုင်း    ၂

.

ခွဲထွက်ခွင့်
.
         တိုင်းရင်းသားလူမျိုးများပြဿနာ တွင် ခွဲထွက်ခွင့် ဆိုသည်မှာ လူမျိုးတိုင်း လူမျိုးတိုင်း၏ ကိုယ့်ကြမ္မာကိုယ်ဖန်တီးခွင့် ကိုယ်ပိုင်ပြဌာန်းခွင့်မှလာပါ သည်။ ထိုကြောင့်လည်း ခွဲထွက်ခွင့်ပါသော ကိုယ်ပိုင်ပြဌာန်းခွင့်ဟု ဆိုကြခြင်းခြင်းဖြစ်သည်။ သို့သော် ယခုနောက်ပိုင်း၌ ခွဲထွက်ခြင်းကို မနှစ်သက်သူများကတော့ ခွဲထွက်ခွင့်မပါသော ကိုယ်ပိုင်ပြဌာန်းခွင့်လည်းရှိ သည်ဟုဆိုကြ
သည်။ ၎င်းဖွင့်ဆိုချက်မှာ မူလအဓိပ္ပါယ်ဖွင့်ဆိုချက်နှင့် ကွဲလွဲသည်ဟုဆိုရပါမည်။
.
         ၁၉၄၇ ခုနှစ် ပင်လုံစာချုပ်ရေးထိုးစဉ်ကာလ ဗိုလ်ချုပ်အောင်ဆန်းက ပြည်နယ်များအနေနှင့် ၁၀ နှစ်ကြာလျင် ခွဲထွက်ခွင့်ရှိသည်ဟုဆိုခဲ့ခြင်းကို လူကြီးလူကောင်း၏ ကတိကဝတ်ဟုဆိုခဲ့ကြသည်။ ထိုစဉ်က ဗိုလ်ချုပ်အောင်ဆန်း ထိုသို့ဆိုခဲ့ခြင်းသည် ဗြိတိသျှလက်အောက် သီးခြားစီ အုပ်ချုပ်ထား
သည့် အခြေအနေကို အသိအမှတ်ပြု၍လည်းကောင်း၊  တိုင်းရင်းသားလူမျိုးများ၏ မွေးရာပါ အခွင့်အရေးကို အသိမှတ်ပြု၍လည်းကောင်း၊  မိမိတို့သာ ပြည်ထောင်စုကို ကောင်းမွန်စွာ တည်ဆောက်နိုင်ပါက မည်သူမျှ ခွဲထွက်လိမ့်မည်မဟုတ်ဟု ယုံကြည်၍လည်းကောင်း၊  ထို
ကတိကဝတ်ကို ရဲရဲတင်းတင်း ပေးခဲ့ဟန်ရှိသည်ဟု ဆိုရပါမည်။
.
            တဖန် ထိုစဉ်က ပင်လုံစာချုပ်အရ ပြည်မနှင့် ချင်းတောင်တန်း ကချင်တောင်တန်း ရှမ်းပြည်နယ် တို့ပူးပေါင်း၍ အတူတကွ လွတ်လပ်ရေးယူသည်အတွက်ဖြစ်ရာ ထိုဒေသများအနေနှင့် လွတ်လပ်ရေးရပြီးနောက်ပိုင်း ပေါင်းစည်းခြင်း ခွဲထွက်ခြင်းနှင့်ဆိုင်သော ဆုံးဖြတ်ချက်ကို ထိုပြည်နယ် ထိုလူမျိုးတို့၏ ဆုံးဖြတ်ချက်နှင့်သာ ဆိုင်သည်ဟု အသိမှတ်ပြုခြင်းလည်းဖြစ်သည်။
၁၉၄၇ အခြေခံဥပဒေရေးဆွဲခြင်း
           ပင်လုံစာချုပ်တွင် မှတ်တမ်းတင်မပါဝင်သော ဗိုလ်ချုပ်အောင်ဆန်း၏ လူကြီးလူကောင်း ကတိကဝတ်သည် ၁၉၄၇ အခြေခံဥပဒေရေးဆွဲရာမှ စတင် ၍ပါဝင်လာသည်။ ၁၉၄၇ ခုနှစ်မေလတွင် ကျင်းပသော ဖဆပလ ပဏာမညီလာခံတွင် ရေးဆွဲလက်ခံသော အခြေခံဥပဒေမူကြမ်းတွင် ခွဲထွက်ခွင့်နှင့်ပတ်သက်၍ တိတိကျကျ ဖေါ်ပြပါဝင်လာသည်ကို တွေ့ရသည်။
.
          အဆိုပါမူကြမ်းတွင် တိုင်းရင်းသားလူမျိုးများနှင့် ပတ်သက်၍ ပြည်နယ်ကိုယ်ပိုင် အုပ်ချုပ်ခွင့် များနှင့် ပတ်သက်၍ ပိုင်းခြားသတ်မှတ်မှုများပြု ခဲ့သည်။ပြည်ထောင်စုပြည်နယ် ကိုယ်ပိုင်အုပ ချုပ် ခွင့်ရပြည်နယ် လူမျိုးစုပြည်နယ်နှင့်လူမျိုးစု အခွင့်အရေးပေးခြင်း စသည်ဖြင့် အဆင့်လေးဆင့်ခွဲ၍ ပြည်ထောင်စုပြည်နယ်နှင့် ကိုယ်ပိုင်အုပ်ချုပ်ခွင့်ရပြည် နယ်များကို ခွဲထွက်ခွင့်ပေးခဲ့သည်။
.
           လူကြီးကောင်းကတိပေးအပ်ခဲ့သော ဗိုလ်ချုပ်အောင်ဆန်းမှာ ၁၉၄၇ဇူလိုင် ၁၉ ရက်တွင် လုပ်ကြံခံခဲ့ရသည်။ သို့သော် သူချမှတ်ထားသည့် မူအချို့ပါသေးသည့် ၁၉၄၇ အခြေခံဥပဒေ ပေါ် ထွက်ခဲ့ပြီး ၁၉၄၈ မှ ၁၉၆၂ ထိ တည်တန့်ခဲ့သည်။
၁၉၄၇ အခြေခံဥပဒေပါ ပြည်နယ်နှင့် ပြည်နယ်သစ်များ
           ၁၉၄၇ အခြေခံဥပဒေအရ ရှမ်းပြည်နယ် ကချင်ပြည်နယ် ကယားပြည်နယ် ကရင်ပြည်နယ်တို့ အသိအမှတ်ပြုခဲ့ပြီး ချင်းတောင်တန်းအား ချင်းဝိသေသတိုင်းအဖြစ် သတ်မှတ် ခဲ့သည်။ အဆိုပါ ရှမ်း ကချင်ကယားကရင်ချင်းရေးရာဝန်ကြီး များကိုသက်ဆိုင်ရာပြည်နယ်လွှတ်ေ တ်ာများကရွေးကောက်တင်မြှောက်၍ြ ပည်ထောင်စုအစိုးရအဖွဲ့ဝင်ဝန်ကြီးများအဖြစ် အသိမှတ်ပြုကာ ပြည်နယ်အုပ်ချုပ်ရေး အာဏာများ အပ်နှင်းခဲ့သည်။
.
          တိုင်းရင်းသားလူမျိုးများ၏ ပြည်နယ်အုပ်ချုပ်ရေးဒေသများ ခွဲခြားသတ်မှတ်ခြင်းကို အပြီးအပြတ်ဟု မသတ်မှတ်ဘဲ ၁၉၄၇ အခြေခံဥပဒေအခန်း ၉ အပိုင်း ၆ ပြည်နယ်သစ်များဟု ထည့်သွင်းရေးဆွဲခဲ့သည်။ ၎င်းဥပဒေပြဌာန်းချက်အပြည့်အစုံမှာ
.
            အပိုင်း   ၆  ပြည်နယ်သစ်များ
.
၁၉၉။       ။ ပါလီမန်သည် ပြည်နယ်သစ်ကလိုက်နာရမည့် စည်းကမ်းသတ် မှတ်ချက်များ ပါဝင်သည့် အက်ဥပဒေဖြင့်ပြည်နယ်သစ်တစ်ခုကြို ပည်ထောင်စုနိုင်ငံတွင်းသို့ ဝင်ခွင့်ပြုနိုင်သည်။ ထိုသတ်မှတ် ချက်များတွင် ထိုပြည်နယ်မှ ပါလီမန်သို့ ကိုယ်စားလှယ် အမတ်ဦးရေ မည်ရွေ့ မည်မျှ ရွေးကောက် တင်မြှောက်နိုင်သည်ဟူသော အချက်လည်းပါဝင်ရမည်။
၂၀၀။      ။(က) ပြည်ထောင်စုအဖွဲ့ဝင်အသစ်တစ်ခု တည်ထောင်ဖန်တီးခြင်း
                ( ခ ) ပြည်ထောင်စုအဖွဲ့ဝင်တစ်ခုခု၏အကျ ယ်အဝန်းကိုတိုးချဲ့ ခြင်း
                ( ဂ ) ပြည်ထောင်စုအဖွဲ့ဝင်တစ်ခုခု၏အကျ ယ်အဝန်းကိုလျှော့ချ ခြင်း
              (ဃ) ပြည်ထောင်စုအဖွဲ့ဝင်တစ်ခုခု၏နယ် နမိတ်များကိုပြောင်းလဲခြင်း တို့ကို  ထိုသို့ နယ်နမိတ်ပြု ပြင်ခြင်းခံရသော ပြည်နယ်တိုင်း၏ကောင်စီက သဘောတူညီပါက ပါလီမန်သည် အက်ဥပဒေဖြင့် ပြုနိုင်သည်။ ထို့ပြင် ထိုကဲ့သို့သော သဘောတူညီချက်ရရှိပါက ပါလီမန်သည် လိုအပ်သည်ဟု သို့တည်းမဟုတ် သင့်လျော်သည်ဟု ထင်မြင်ယူဆသော ထပ်ဖြည့်ပြဌာန်းချက်
အကြောင်းသင့်ပြဌာန်းချက်နှင့် နှိုင်းညှိပြဌာန်းချက်များကို ပြုနိုင်သည်။ “ဟူ၍ ဖြစ်ပါသည်။
            သို့သော် ၁၉၄၇ အခြေခံဥပဒေ တည်မြဲနေစဉ်အတွင်း ပြည်နယ်သစ်ပေါ်လာခြင်း မရှိခဲ့ဘဲ ၁၉၆၂ ဗိုလ်နေဝင်းအာဏာသိမ်းပြီးနောက် ပိုင်း၌ ချင်းဝိသေသတိုင်းအား ချင်းပြည်နယ် အဖြစ် လည်းကောင်း  မွန်ပြည်နယ် ရခိုင်ပြည်နယ်များအားလည်းကောင်း ဖွဲ့စည်းခဲ့သည်ကို တွေ့ရသည်။
       
၁၉၄၇ ဖွဲ့စည်းပုံအခြေခံဥပဒေနှင့်ခွဲ ထွက်နိုင်သောအခွင့်အရေး
            ၁၉၄၇ ဖွဲ့စည်းပုံအခြေခံဥပဒေ အခန်း ၁၀ ၌ ခွဲထွက်နိုင်သောအခွင့်
အရေးကို အောက်ပါအတိုင်း ဖေါ်ပြထားပါသည်။
.
                                   ”   အခန်း     ၁၀
                         ခွဲထွက်နိုင်သော အခွင့်အရေး
.
၂၀၁။   ။ ဤအခြေခံဥပဒေ၌သော်၎င်း ပုဒ်မ ၁၉၉ အရ ပါလီမန်ကပြုသော အက်ဥပဒေ၌သော်၎င်း အခြားပြဌာန်းချက် ပြဌာန်းထားခြင်းမရှိလျင် အောက်၌ပြဌာန်းထားသော စည်းကမ်းချက်များနှင့်အညီ ပြည်ထောင်စုနိုင်ငံမှ ခွဲထွက်နိုင်ရန် ပြည်နယ်တိုင်း၌ အခွင့်အရေးရှိရမည်။
.
၂၀၂။   ။ ဤအခြေခံဥပဒေ အာဏာတည်သည့်နေ့မှ ဆယ်နှစ်အတွင်းခွဲထွက် နိုင်သော အခွင့်အရေးကို အသုံးမပြုရ။
၂၀၃။   ။ ( ၁ )ခွဲထွက်နိုင်သောအခွင့်အရေးကို သုံးစွဲလိုသောပြည်နယ်သည်ခွဲထွက် လိုကြောင်းအဆိုကို မိမိပြည်နယ်၏ကောင်စီတွင် တင်သွင်းအတည်ပြုရမည်။ ပြည်နယ်ကောင်စီရှိ အမတ်စုစုပေါင်းအနက် သုံးပုံနှစ်ပုံအောက်မလျော့သော အမတ်များက ထိုအဆိုက်ို ထောက်ခံ၍ မဲပေးခြင်းမပြုလျင် အတည်ပြု သည်ဟု မမှတ်ယူရ။
.
           ( ၂ ) သက်ဆိုင်ရာပြည်နယ်၏ဥက္ကဌသည် ပြည်နယ်ကောင်စီ၏ဆုံးဖြတ်ခြင်းကို နိုင်ငံတော် သမတအား အကြောင်းကြားရမည်။ ထို့ပြင် အတည်ပြုလိုက်သောကောင်စီ၏ သဘာပတိက ဟုတ်မှန်ကြောင်း လက်မှတ်ရေးထိုးသောဆုံးဖြတ်ချက် မိတ္တူ တစ်စောင်ကို နိုင်ငံတော်သမတထံသို့ ပြည်နယ်ဥက္ကဌက တင်ပြရမည်။
.
၂၀၄။   ။ ထိုအခါ နိုင်ငံတော်သမ္မတသည် သက်ဆိုင်ရာပြည်နယ်၏ လူထုဆန္ဒပွဲကို ကျင်းပစေရန် အမိန့်ထုတ်ရမည်။ လူထုဆန္ဒပွဲကိုကျင်းပခြင်းမှာ သက်ဆိုင်ရာပြည်နယ်ရှိ ပြည်သူတို့၏ ဆန္ဒအမှန်ကို သိရှိနိုင်ရန်ဖြစ်သည်။
၂၀၅။   ။ နိုင်ငံတော်သမ္မတသည် လူထုဆန္ဒပွဲကော်မရှင်တစ်ဖွဲ့ကို ခန့်ရမည်။ ထိုအဖွဲ့တွင် ပြည်ထောင်စုနိုင်ငံမှလည်းကောင်း   သက်ဆိုင်ရာပြည်နယ်မှ၎င်း ကိုယ်စား လှယ်ဦးရေ အညီအမျှပါဝင်ရမည်။ ထိုအဖွဲ့သည် လူထုဆန္ဒပွဲကို ကြီးကြပ်စီမံရန်ဖြစ်သည်။
၂၀၆။   ။ ဤအခန်းရှိ ပြဌာန်းချက်များနှင့် မဆန့်ကျင်စေဘဲ အဆိုပါခွဲထွက်နိုင်သောအခွင့်အေ ရး အသုံးပြု ခြင်းနှင့်စပ်လျဉ်းသော ကိစ္စအားလုံးကို ဥပဒေဖြင့် စည်းမျဉ်းသတ်မှတ်ရမည်။ “ဟူ၍ ၁၉၄၇ ဖွဲ့စည်းပုံအခြေခံဥပဒေ အခန်း ၁၀ တွင် ပုဒ်မ ၂၀၁ မှ ပုဒ်မ ၂၀၆ အထိ ပုဒ်မ ၆ ခုဖြင့် သီးသန့်ဖေါ်ပြပါသည်။
.
            ၁၉၄၇ အခြေခံဥပဒေအရ ပြည်နယ်များ၏ ခွဲထွက်နိုင်သောအခွင့်အရေးသည် ဥပဒေ ကြောင်းအရလည်းကောင်း လူထုအများစုဆန္ဒပေါ်တွင်လည်းကောင်း  အခြေပြုဆုံးဖြတ်သည်။ ခွဲထွက်နိုင်သောအခွင့်အရေးသည် လူတစ်စု တစ်ပါတီ၏ဆန္ဒပေါ်၌ မတည်မှီခဲ့ပေ။ လူထုကရွေးချယ်ထားသော အမတ် သုံးပုံနှစ်ပုံက ထောက်ခံရမည့်ပြင် လူထုဆန္ဒခံယူပွဲပြုလုပ်ပြီး အဆုံးအဖြတ်ယူရမည်ဖြစ်သည်။ ဤကဲ့သို့သော အခြေခံဥပဒေပါ ခွဲထွက်နိုင်သော အခွင့်အရေးကို
လက်တွေ့အသုံးချသည့်ကို ခေတ်သစ်ဗြိတိန်နိုင်ငံတွင် တွေ့ရှိရပါသည်။
.
ပေါင်းစည်းထားသောနိုင်ငံနှင့် ခွဲထွက်နိုင်သည့်အခွင့်အရေး
.
            အင်္ဂလန် စကော့တလန် ဝေလ အိုင်ယာလန်တို့ကဲ့သို့ ပေါင်းစည်းထားသော ဂရိတ်ဗြိတိန်၏ဖွဲ့စည်းပုံတွင် လည်း ခွဲထွက်နိုင်သောအခွင့်အရေးပါသည် ။ နှစ်ပေါင်း ၃၀၀ ကျော် အင်္ဂလန်နှင့် ပေါင်းစည်းလာသော စကော့တလန် သည် ဂရိတိဗြိတိန်မှ ခွဲထွက်ရန် စကော့ပါလီမန်တွင် မဲခွဲဆုံးဖြတ်အနိုင်ရခဲ့သည်။ သို့ဖြစ်ရာ ဗြိတိသျှပါလီမန်က ဥပဒေရေးဆွဲ၍ လူထုဆန္ဒခံယူပွဲ
တစ်ရပ်ကို ၂၀၁၄ တွင် စကော့တလန်၌ ကျင်းပပေးခဲ့သည်။ ရွေးကောက်ပွဲမတိုင်မီ ခွဲရေး တွဲရေးအတွက် အပြိုင်အဆိုင် မဲဆွယ်စည်းရုံးခဲ့ကြသည်။
.
             ရွေးကောက်ပွဲရလဒ်အရ ခွဲထွက်ရေးကရှုံးသည်။ ဆက်လက်ပေါင်း စည်းရေးက အနိုင်ရသည်။ စကော့တလန်သည် ခွဲမထွက်နိုင်ခဲ့ပေ။ ဤအတွေ့အကြုံ မှသိနိုင်သည်မှာ ခွဲထွက်နိုင်သည့် အခွင့်အရေးသည် လူမျိုးတစ်ခု၏ အခွင့်အရေးဖြစ်သည်။ အခွင့်အရေးရှိတိုင်း အားလုံးက ခွဲထွက်လိုကြသည်မဟုတ်ဟုဆိုရမည်။ ထို့ပြင် ခွဲထွက်သည် မခွဲထွက်သည်က တစ်ပိုင်းဖြစ်သည်။ အခွင့်အရေးကို အသိမှတ်ပြုခြင်းက တစ်ပိုင်းဖြစ်သည်ဟုဆိုရပါမည်။
.
          ၁၉၄၇ အခြေခံဥပဒေတွင် ခွဲထွက်နိုင်သောအခွင့်အရေးအား ထည့်သွင်းထားခြင်းသည် အင်္ဂလန်ကဲ့သို့ ပါလီမန်ဒီမိုကရေစီ နိုင်ငံကြီးနှင့်အပြိုင် ဟုဆိုနိုင်ပါသည်။
.
ပင်လုံကတိကဝတ်နှင့် ဗိုလ်ချုပ်အောင်ဆန်း
.
               ၁၉၄၇ ဖွဲ့စည်းပုံအခြေခံဥပဒေသည် ၁၉၄၈ လွတ်လပ်ရေးရပြီးသည်မှစ၍ ၁၉၆၂ မတ်လ ဗိုလ်နေဝင်း အာဏာသိမ်းသည်အထိ ၁၄ နှစ်တိတိ တရားဝင်ဖြစ်သည်။ အာဏာသက်ရောက်သည်။ သို့ဖြစ်ရာ အဆိုပါ ၁၉၄၇အခြေခံဥပဒေတည်မြဲနေစဉ်ကာ လအတွင်း ခွဲထွက်နိုင်သောအခွင့်အရေးကို
ပြောဆိုခြင်းသည် တည်ဆဲအခြေခံဥပဒေအတိုင်းဖြစ်သည်။ တည်ဆဲအခြေခံ ဥပဒေ၏ ပြဌာန်း ချက်များအတိုင်း ဖြစ်သည်။ တည်ဆဲဥပဒေအတိုင်းဆောင် ရွက်ခြင်းဖြစ်သည်။ ဥပဒေအရ တရားဝင်သည်ဟု ဆိုရပေချိမ့်မည်။
.
          သို့သော် ၁၉၆၂ ဗိုလ်နေဝင်းအာဏာသိမ်းသည်မှစ၍ ၁၉၄၇ အခြေခံဥပဒေသည် အဖျက်သိမ်း ခံခဲ့ရသည်။၁၉၄၇အခြေခံဥပဒေနှင့် အတူ တိုင်းရင်းသားပြည်နယ်များ ခွဲထွက်နိုင်သော အခွင့်အရေး လည်း ဖျက်သိမ်းခံခဲ့ရသည်။ ထို့ကြောင့် ဗိုလ်ချုပ်အောင်ဆန်းအနေနှင့် သူ၏ လူကြီးလူကောင်း ဆန်သော ပင်လုံကတိကဝတ်ကို ၁၉၄၇ ဖွဲ့စည်းပုံအခြေခံဥပဒေတွင် ထည့်သွင်းရေးဆွဲခြင်းဖြင့် သူ၏ ကတိကဝတ်ကို ကျေပြွန်ခဲ့သည်ဟုဆိုနိုင်သည်။ ဗိုလ်ချုပ် အောင်ဆန်းအလုပ်ကြံမခံရမီ ၁၉၄၇ မေလတွင်ကျင်းပသောဖဆပလပဏာမညီလာခံ တွင်ထိုအခြေခံဥပဒေမူကြမ်းကို  လက်ခံ အတည်ပြုခဲ့ပြီး  သူကွယ်လွန်သွားပြီးနောက်တွင်လည်း ထို ၁၉၄၇ အခြေခံဥပဒေသည် ၁၄ နှစ်တာ ဆက်လက်တည်တန့်ခဲ့ပေသည်။ ထို့ကြောင့် ပင်လုံ ကတိကဝတ်ကို ဖေါက်ဖျက်၍ ၁၉၄၇ အခြေခံဥပဒေကို ဖျက်သိမ်းခဲ့သူမှာ ဗိုလ်နေဝင်းသာ ဖြစ်သည်ဟုဆိုရပေမည်။
.
ခွဲထွက်ခွင့်နှင့် လက်ရှိကာလ
.
          ၁၉၆၂ မှစ၍ ယနေ့ကာလသည် မြန်မာစစ်ဖက်ခေါင်းဆောင်များကို င်စွဲထားသည့် မူမှာ ခွဲထွက်ရေးကိုဆန့်ကျင်သည်။ ခွဲထွက်ရေးကိုခွင့်မပြု။ခွဲထွက် ရန်ကြိုးစားခြင်းသည် ပြည်ထောင်စုအား ဖြိုခွဲရန် ကြိုးစားခြင်း တိုင်းရင်းသားစည်းလုံးညီညွတ်ရေး ကို ပြိုကွဲရန်ကြိုးစားခြင်းအဖြစ် သဘောထား
သည်။
.
         သို့ဖြစ်ရာ ခွဲထွက်နိုင်သောအခွင့်အရေးမှာ ၁၉၆၂ မှစ၍ စစ်အာဏာရှင်စနစ်ဖြင့် အုပ်ချုပ်နေ သော ကာလများတွင်လည်းကောင်း၊  ၁၉၇၄ ဖွဲ့စည်းပုံအခြေခံဥပဒေနှင့် ၂၀၀၈ အခြေခံ ဥပဒေ အသက်ဝင်နေသော ကာလများတွင်လည်းကောင်း၊ ခွဲထွက်နိုင်သောအခွင့်အရေးသည် ဥပဒေပ ဖြစ်သွားသည်။ ဥပဒေကဲ့သို့အာဏာတည်သော အမိန့်များအရလည်းကောင်း၊ တည်ဆဲဖွဲ့စည်းပုံ ဥပဒေများအရလည်းကောင်း၊  ဥပဒေကြောင်းအရ တရားမဝင်တော့။ တရားဝင် အခွင့်အရေး မရှိတော့ဟု ဆိုရပေမည်။ ခွဲထွက်နိုင်သော အခွင့်အရေးကိုကျင့်သုံးခြင်းသည် ဥပဒေကို ချိုးဖေါက်ခြင်း
ဖြစ်နေပေတော့သည်။
.
        ထို့အတူ ယခင်ကာလက သီးခြားသမ္မတနိုင်ငံ ဖက်ဒရေးရှင်းနိုင်ငံခွဲထွက်ရန် တောင်းဆိုသော တိုင်းရင်းသား လက်နက်ကိုင်အဖွဲ့များသည်လည်း အဆိုပါတောင်းဆိုချက်နေရာတွင် ဖက်ဒရယ် ပြည်ထောင်စုနှင့် ဖက်ဒရယ်အခွင့်အလမ်းများကို ပြောင်းလဲတောင်းဆိုလာသည်ကိုတွေ့ ရသည်။ တိုင်းရင်းသားလူမျိုး တစ်ဦးချင်းအနေနှင့် ခွဲထွက်နိုင်သည့်အခွင့်အရေးက်ို လိုလားကောင်း လိုလား နိုင်သော်လည်း ခွဲထွက်ရေးကို ရည်မှန်းချက်ထားသည့် တိုင်းရင်းသားပါတီနှင့် တိုင်းရင်းသား လက်နက်ကိုင်အဖွဲ့များ ယနေ့အချိန်တွင် မရှိသလောက်ဟုဆိုနိုင်ပါသည်။ အခြေအနေ အချိန်အခါနှင့် ဆိုင်မည်ထင်ပါသည်။
.
နိဂုံး
.
         မိမိ၏ ဆောင်းပါးသည် ပင်လုံစာချုပ် ပင်လုံကတိကဝတ်နှင့် ၁၉၄၇ ဖွဲ့စည်းပုံအခြေခံဥပဒေပါ ခွဲထွက်နိုင်သော အခွင့်အရေး တို့နှင့်ပတ်သက်သော သမိုင်းအချက်အလက်များအား လက်လှမ်းမှီသမျှ ပြန်လည်သုံးသပ်ခြင်းမျှသာဖြစ်ပါ သည်။ အတိတ်ကာလက တိုင်းရင်းသားလူမျိုးခေါင်းဆော င်များ
လွတ်လပ်ရေး အတွက်အတူတကွ လက်တွဲကြိုးပမ်းခဲ့ကြသည့်  သမိုင်း စာမျက်နှာများ တိုင်းရင်းသား တန်းတူရေးအတွက် ဥာဏ်အမြော်အမြင်ကြီးစွာ ဆောင်ရွက်လုပ်ဆောင်ချက်များမှ ကျွန်ုပ်တို့အတွက် တန်ဖိုးရှိသော သင်္ခန်းစာများ ရနိုင်လိမ့်မည်ဟု ယူဆပါသည်။
.
(မောင်မောင်စိုး)